Prasidh kahaniya in Hindi – ek samay kee baat hai ek chhote se gaanv mein ek bahut hee gareeb kisaan aur usakee patnee raha karate the kisaan ka naam raamoo aur usakee patnee ka naam meera tha vah pratidin apane kheton mein kaam karate aur apana gujar basar kiya karate the unake paas ek bakaree thee jisase vah doodh nikaalate aur khaate peete the kyonki vah bahut hee gareeb the isalie unhen kabhee kabhaar hee bhains ya gaay ka doodh naseeb ho paata tha

sab kuchh achchha chal raha tha ki 1 din achaanak raamoo kee patnee meera beemaar ho gaee aur vah kaaphee dinon tak bistar par padee rahee ant mein raamoo ko laga ki kaheen meera mar na jae isalie usane kisee achchhe vaidy se dava lene kee sochee lekin raamoo ke paas paise nahin thee isalie vah yah nishchay kiya ki vah apanee bakaree ko bech dega aur usake paise se apanee patnee ka dava karavaega is baat ko soch kar ke vah apanee bakaree ko lekar ke shahar kee taraph nikal gaya

shahar aur usakee gaanv ke beech mein ek jangal padata tha vah jangal se gujar raha tha ki raaste mein use ek boodha vyakti mila us boodhe vyakti ko dekh kar ke raamoo ne poochha ki aap is jangal mein kya kar rahe hain tab boodhe vyakti ne raamoo ko javaab diya ki beta mein doosare gaanv se aa raha tha aur main raasta bhatak gaya jisakee vajah se is jangal mein bhatak raha hoon aur mujhe bhookh bhee bahut lagee hai lekin tum batao yah apanee bakaree lekar kahaan ja rahe ho

raamoo ne apanee pooree vyatha us boodhe vyakti ko bataaya aur bola kee koee baat nahin main apanee bakaree ka doodh nikaal kar ke aapako de deta hoon jisase ki aapakee bhookh bhee shaant ho jaegee aur mujhe bhee achchha lagega aap kee madad karake kyonki aap boodhe bujurg hain aur bujurgon kee seva karana hamaara pratham kartavy hona chaahie usake baad se raamoo ne us bakaree ke doodh ko nikaal kar ke us boodhe vyakti ko de diya

boodha vyakti doodh peekar bahut hee khush hua aur bola ki raamoo beta main is jangal mein bhatakate bhatakate shaayad mar hee jaata agar tum sahee samay par aakar peene ke lie doodh nahin dete to isalie main tumhen 1 kil de raha hoon yah koee saadhaaran keel nahin hai yah ek jaaduee keel hai jab bhee tumhen jitane bhee paise kee jaroorat ho tum is keel ko jameen mein thok dena aur phir haath jod kar ke khade ho jaana tumhaare paas utane paise oopar se gir jaenge is baat ko sunakar ke raamoo bahut khush hua aur us boodhe vyakti ko raasta bata karake apane ghar ko vaapas laut aaya

jab usakee patnee ne raamoo ko bakaree ke saath dekha to bahut udaas huee aur usane kaha ki kya bakaree nahin becha aapane lagata hai ab main mar jaoongee kyonki mera ab ilaaj nahin ho paega usakee is baat ko sunakar raamoo bola are bhaagyavaan ab hamen bakaree bechane kee koee jaroorat nahin hai yah dekho mainne yah jaaduee keel ek boodhe vyakti se paaya hai aur isaka kamaal dekho

usane turant us keel ko jameen mein gaad diya aur phir haath jodakar praarthana karane laga dekhate hee dekhate aasamaan se paise barasane lage is cheej ko dekh karake usakee patnee aur raamoo bahut khush hue agale hee din donon ek achchhe vaidy ke paas jaakar ke apana ilaaj karavaaya aur hansee khushee se rahane lage

Moral – Prasidh kahaniya in Hindi

is kahaanee se hamen yah shiksha milatee hai ki agar hamen koee jarooratamand mile to hamen usakee sahaayata karanee chaahie jis prakaar raamoo ne boodhe vyakti kee kee kyonki jarooratamand kee sahaayata karana hee sabase bada dharm hota hai kya pata kal aap bhee kisee mod par aise hee khade ho aur koee aap kee bhee madad kar de